DÍA DAS LETRAS GALEGAS

Para celebrar o Día das Letras Galegas e conmemorar o poeta homenaxeado, o 18 de maio @s nos@s alumn@s ofrecéronnos un recital de poemas pertencentes aos poemarios Poesía última de amor e enfermidade (1992-1995) e Poemas 1981-1991 de Lois Pereiro, acompañando a lectura con música moderna acorde ao carisma do poeta punk.
Para sorpresa do público, ao remate do recital, ofrecéronnos, con aire festivo, bailes tradicionais que se tentan recuperar a través do libro Para cantar e bailar de Luís Prego.

Para ver a noticia e as nosas fotos, preme aquí...

DÍA DAS LETRAS GALEGAS

Para celebrar o Día das Letras Galegas e conmemorar o poeta homenaxeado, o 18 de maio @s nos@s alumn@s ofrecéronnos un recital de poemas pertencentes aos poemarios Poesía última de amor e enfermidade (1992-1995) e Poemas 1981-1991 de Lois Pereiro, acompañando a lectura con música moderna acorde ao carisma do poeta punk.
Para sorpresa do público, ao remate do recital, ofrecéronnos, con aire festivo, bailes tradicionais que se tentan recuperar a través do libro Para cantar e bailar de Luís Prego.



Se queredes ler os poemas que se recitaron e quen os recitou, continuade lendo...


Alba Estévez (3º ESO B) recitou “If I die before I Wake...” do poemario Poesía última

(E todo por facer da vida unha dose indolora
da verdadeira existencia, co seu sol e a súa
sombra; e do Soño Eterno, do “Big sleep”,
outro máis pequeno...)

If I die before I Wake...

O pasado apodrece baixo terra
e o presente non flúe,
é un río morto.

Pero esta vez non haberá resurrección
e o futuro é por forza alleo a min.

nadal, 92



Alba Campo (3º ESO A) recitou “X” do poemario Poesía última

(Ausencia ou presencia non alteran
a distancia do espírito,
que xa se internou nela.
E os elementos das novas tecnoloxías
van elaborando os nosos afectos...)

X
Tristemente convivo coa túa ausencia
sobrevivo á distancia que nos nega
mentres bordeo a fronteira entre dous mundos
sen decidir cal deles pode darme
a calma que me esixo para amarte
sen sufrir pola túa indiferencia
á miña retirada preventiva
dunha batalla que xa sei perdida
resolto a non entrar xamais en ti
pero non á tortura de evitarte.

xullo, 95


Ana Pérez (2º ESO B) recitou “Un presente no día de santa Ana”do poemario Poesía última

“Wer, wenn ich schrieee, hörte mich denn
aus der Engel Ordnungen?...”

Rainer Maria Rilke


(Quen me oiría? Ti oíchesme sempre beloved
amiga interna belovedana anabelobed…
Porque inda que “todo anxo é terrible”, ti
fuches sempre un bo anxo da garda –ti e mais
Ela, ou Ela e Ela, fortes anxos que me gardan.
...porque ser é atroz
a carón da ollada dunha flor...)


XXVI
(Un presente no día de santa Ana)
Fermosa como a morte que se invoca
exerces a beleza internamente
emocionando ás sombras máis letais e irreductibles

descubrindo a presencia
de vestixios de vida
nas máis opacas ruínas
só cunha ollada abortas a ofensiva
da dor que se aveciña.

xullo, 95


Roberto Jiménez (2º ESO B) recitou “Corporal (je t’aim...)” e “Outro poema de amor” do poemario Poemas 1981-1991





Corporal (je t’aim...)

Da boca a furia, os dentes:
as armas da paixón
que a pel intacta exploran e profanan

Carne de luxo
amor
tóxico inxecta

Callado o frío na man e na ferida
formiguea insurxente
e cicatriza
entre os peitos posibles
doutro trunfo

Pois cada tres segundos
dúas pálpebras lubrican
os seus ollos hostiles que non cren.


Outro poema de amor

El xa non sintía nada alí deitado
e ela tampouco ó velo.
Preguntouse se o amara algunha vez
mentres vía o seu sangue a caer na alfombra
que ela, sempre ela, tería que limpar
cando o levasen.

SALVANDO LIBROS - DIA DAS LETRAS GALEGAS

O Día das Letras Galegas 2011 participamos na actividade de Bibliotecas Escolares Salvando Libros.


Para ver a noticia e as nosas fotos, preme aquí...

SALVANDO LIBROS - DIA DAS LETRAS GALEGAS

O Día das Letras Galegas 2011 participamos na actividade de Bibliotecas Escolares Salvando Libros. Moitos dos centros de ensino de Galicia e moitos persoeiros da nosa cultura eliximos cadanseu libro para salvar, indicando o motivo e seleccionando un fragmento para memorizar, como fan os Homes-Libro (e mulleres!) de Fahrenheit 451, a novela de Ray Bradbury.

No IES Pedro Floriani salvamos dúas obras: Os dous de sempre, de Castelao, na ESO e Na noite estrelecida, de Ramón Cabanillas, en Bacharelato.




Aquí podedes ver ao alumnado de 1º Bach. recitando o seu "fragmento salvado":



Con todo o material dos distintos centros fíxose unha exposición virtual que podedes consultar en ISSUU:



Queremos agradecer a Jaime Eizaguirre Santillán a elaboración dos cartaces e a todas as persoas que colaboraron con Bibliotecas Escolares para facer posible este traballo.

III ENCONTRO DE BIBLIOTECAS ESCOLARES E MUNICIPAIS DE REDONDELA

O luns, 9 de maio celebrouse no CEIP de Santo Paio de Abaixo o III Encontro das Bibliotecas Escolares e Municipais de Redondela.

Tratáronse moitos temas, entre os que destacamos a elaboración dunha proposta de lecturas para verán, que entregaremos ao noso alumnado e as familias a final de curso. Como liña de traballo interesante, a continuación do traballo de formación do profesorado no eido da banda deseñada comezado xa na sesión con GoChi a principio deste curso.

Tamén consideramos a desregulación que existe sobre a situación administrativa do traballo de
biblioteca, que non está recoñecido como pode estalo o de titoría ou xefatura de departamento, e sobre o que convén informar aos claustros para participar en iniciativas que soliciten este recoñecemento.

Manifestamos o noso agradecemento a Amparo, coordinadora da BE de Santo Paio de Abaixo, coordinadora desta reunión e amabilísima anfitrioa.

TRABALLANDO COA PRENSA EN PROA

O 11 de maio pola tarde, o alumnado de PROA estivo a traballar a prensa na Biblioteca. O seu profesor e a Dinamizadora de Biblioteca explicáronlles as distintas seccións nas que se divide un xornal e preguntáronlle sobre os nomes dos xornais que coñecían e sobre as seccións que máis lles gustaban.

Para ver a noticia e as nosas fotos, preme aquí...

TRABALLANDO COA PRENSA EN PROA

O 11 de maio pola tarde, o alumnado de PROA estivo a traballar a prensa na Biblioteca. O seu profesor e a Dinamizadora de Biblioteca explicáronlles as distintas seccións nas que se divide un xornal e preguntáronlle sobre os nomes dos xornais que coñecían e sobre as seccións que máis lles gustaban.
Case todos se interesan polos DEPORTES, aínda que hai algún que le os SUCESOS e mesmo as NECROLÓXICAS. Coñecen máis os xornais deportivos, os galegos e da zona (Marca, As, La Voz de Galicia e o Faro de Vigo), pero hai quen ten máis bagaxe xornalística (Xornal, El País e El Mundo).

Despois de ter claro as cinco preguntas que un bo xornalista debe contestar na súa noticia (Que?, Cando?, Onde?, A quen? e Por que?), só nos queda facer nós mesmos de xornalistas e redactar a nosa propia noticia. Pero, como o tempo bótasenos enriba, rematarémola na casa e traerémola o próximo venres á clase para ver quen ten certamente madeira de xornalista.

CLUB LECTURA MIXTO 6ª SESIÓN: EN TERTULIA

No mes de marzo, no club de lectura límos un libro con moito éxito titulado Seda de Alessandro Baricco, nado no 1958 e consagrado como un dos grandes escritores italianos das novas xeneracions desa época. Outras das súas obras premiadas foron as novelas Castelli di Rabbia e Oceano mare, pero co que tivo máis éxito foi con Seda.

O tema do libro trata dunha historia dun xove destinado a unha carreira no exército pero todo cambia de forma radical cando un home interfíre na súa vida.

Se analizamos o seu estilo observamos como ten unha vinculación clara co título, Seda. O autor usa unha linguaxe poética e na hora de lelo vaise producindo una sensación de lentitude polas súas monotonías e varias experiencias como o amor, paixón entre outras. Ademáis pon en práctica unas expresión moi intensas, como por exemplo:

Rodeado de enormes cedros que defendían a súa soidade
Eran signos, é dicir, cinzas dnha voz queimada
A desesperación era un exceso que non lle pertencía

entre outras que deixan o lector asombrado.





Reseña de Hajar Baati, alumna de 1º de Bacharelato - Ciencias e Tecnoloxía.

SEMANA DO LIBRO: TOD@S LEMOS

Como este ano coincidiu o Día do Libro en sábado e en plena Semana Santa, o Equipo de Biblioteca decidiu desenvolver a Semana do Libro xusto á volta das vacacións e xa descansadiños. Así que do 26 ao 29 de abril, durante os recreos e na entrada principal interior e exterior do centro Tod@s Lemos.

Para ver a noticia e as nosas fotos, preme aquí...

SEMANA DO LIBRO: TOD@S LEMOS

Como este ano coincidiu o Día do Libro en sábado e en plena Semana Santa, o Equipo de Biblioteca decidiu desenvolver a Semana do Libro xusto á volta das vacacións e xa descansadiños.
Así que do 26 ao 29 de abril, durante os recreos e na entrada principal interior e exterior do centro Tod@s Lemos. E o noso alumnado apreciou os nervios lectores dos seus profes de matemáticas, educación física, FOL, filosofía, música, historia, latín, inglés, francés, castelán, galego... e mesmo o conto Zen co que nos deleitou a orientadora do centro.
Ademais, tivemos o inmenso pracer de escoitar a lectores expertos: dous pais, unha nai e unha marabillosa avoa. Impresionante foi o discurso “Gloria” de Castelao do pai Eduardo Reguera (Concelleiro de Cultura), profesionalísima a dobre recitación (literaria e pedagóxica-divertida) de “Campanas de Bastabales” do pai Roberto Darriba , sentida a lectura de “Deitado frente ao mar” da nosa querida presidenta da ANPA Flora Álvarez e fascinante exemplo de literatura popular oral o da avoa Purificación Placer.
Desde o Equipo de Biblioteca dámoslles calorosamente as grazas aos profes pola súa colaboración. Aos marabillosos pais/nai e á avoa, alén da nosa gratitude, queremos comunicarlles a pedagóxica envexa que nos transmitiron; envexa do ben que len e recitan, pedagóxica por ser motivadora da nosa superación recitadora/lectora en vindeiras xornadas.

Martes 26 de abril


Eduardo Reguera (pai de alumno e Concelleiro de Cultura de Redondela). Discurso Gloria de Castelao.
Purificación Placer (avoa dunha alumna). Recitou contos e romances populares.

Mércores 27 de abril


María Fontela
(profesora de Lingua Castelá). El mal de Montano de E.Vila-Matas e Ácido sulfúrico de A. Nothomb.
Mercé Barrientos (profesora de Educación Física). Galicia, Galicia de Manuel Rivas.
Cocha Pazos (orientadora do centro). O valor das cousas, unha historia zen.
Andrea Moreno (profesora de Historia). Muerte de Antonio Camborio de Federico García Lorca.

Xoves 28 de abril


Victoriano Cabaleiro (profesor de inglés). The Call of the Wild by Jack London.
Rosa Ligero (profesora de Lingua Galega) As mil e unha noites.
Sira Salgueiro, Susa Cortegoso e Pilar Sáenz (profesoras de FOL, Latín e Francés). Un millón de vacas de Manuel Rivas.
Lorenzo Suárez (profesor de música). Prosa del observatorio de J.Cortázar.

Venres 29 de abril


Roberto Darriba (pai de alumna) Campanas de Bastabales de Rosalía de Castro
Flora Álvarez (nai de alumno e presidenta da ANPA). Deitado frente ao mar de Celso Emilio Ferreiro.
Margarita Tovar (profesora de Historia). A marquesiña de Cousas de Castelao
Ramón Soler (profesor de Filosofía e coordinador da biblioteca). Las filofábulas de Miquel Piquemal.
Alberto Callejo, Fátima Estévez e Rosa Armesto (profesores de Química e Matemáticas). El hombre que calculaba de Malba Tahan