O alumnado de 1º ESO e súa profesora Ángela Chantrero, de Lingua castelá, prestáronnos esta marabilla para expoñer na biblio. Trátase de coleccionables sobre mitos elaborados por eles tras a lectura do libro Mitos griegos, de Maria Angelidou. Dan ganas de mercalos todos!
Ademais, fixemos un concurso para elixir os mellores, que recibiron uns premios. Parabéns!!
Durante o mes de febreiro e coa inestimable colaboración de EUSEBIO RIVEIRO, profe do departamento de Debuxo e artista, levamos a cabo un OBRADOIRO DE LIBROS ALTERADOS. O obxectivo era darlles unha nova vida a algúns dos libros que expurgamos da nosa biblioteca o curso pasado.
Pasámolo moi ben e, como podedes ver, o resultado foi marabilloso. Moitas grazas a Eusebio por guiarnos nese proceso transformador e ás alumnas que se animaron a participar, estamos moi orgullosas do resultado. 💚
O alumnado de 3º ESO recibiu hoxe unha visita moi especial: a da escritora e profesora SONIA MIRÓN, autora da novela que leron esta avaliación para a clase de Lingua castelá, Un sol dentro de mí.
Moitas grazas por acompañarnos nesta tarde, Sonia! Aprendemos un montón sobre o proceso de escritura dunha obra literaria e puidemos dar resposta ás dúbidas e curiosidades que se nos plantexaron mentres liamos o libro. Foi unha tarde moi interesante e produtiva.
E, por certo, a novela en xeral gustou moito entre o noso alumnado, que quedou con ganas dunha segunda parte e así llo dixeron a Sonia. Se queres lela, pasa pola biblio!
Efectivamente, non foi sinxelo escoller as persoas gañadoras do concurso de crêpes, pero, finalmente, tras unha longa e difícil deliberación, aquí están os gañadores... PARABÉNS!!!
Eva, a nosa profe de Francés, tivo a fantástica idea de celebrar a Candelaria (La Chandeleur) co seu alumnado... e a nós pareceunos xenial!
Así pois, preparamos e decoramos a biblioteca para acoller as crêpes elaboradas polas alumnas e alumnos de 1º e 2º da ESO e acollemos ao flamante xurado que as degustou. Cando o xurado acabou o seu labor, demos boa conta do que nos deixaron e podemos asegurar que estaban boísimas 😋, escoller as persoas gañadoras non vai ser nada fácil!!
Os premios, no próximo capítulo...
O alumnado de Oratoria de 3ºA, coa súa profe Sonia Casar, agasallounos na mañá do 21 de decembro coa representación na biblioteca dun belén inspirado na obra "Scar of Belem", do artista Banksy.
Parabéns polo voso traballo!! 👏👏👏
