A expresión do corpo, do movemento, dos pequenos xestos, de dinámicas grupais foi o que Marcia Vazquez traballou cos grupos de 3º ESO.
Descubrimos outra forma de expresarnos para a que non é necesaria a voz se non máis ben a escoita activa doutro/a.
O pasado mércores 15 de xuño tivo lugar no patio do noso IES a presentación de proxectos ABP que o noso alumnado de 3º,4º ESO e 1º Bacharelato viñeron desenvolvendo durante todo o curso.
Todos os traballos tiñan como temática central o lema do noso PIC: " Estou ben no mundo" e baseáronse en saúde, ecoloxía, orientación, discapacidade, lecer e arte.
Os gañadores resultaron ser o grupo de 1º Bac B con Redondela en Braille. Un proxecto que auna a atención á discapacidade co reciclaxe e que terá grande repercusión na nosa vila.
En breve publicaremos unha web con todos os proxectos para que todo aquel que non puido asistir se deleite cos excelentes traballos dos nosos rapaces e rapazas.
O noso equipo de Igualdade quixo rendir homenaxe ás mulleres da vila así todo o alumnado do centro tivo a oportunidade de entrevistar e falar coas súas nais, avoas sobre as súasvidas, soños e inquedanzas. A participación foi extraordinaria e o resultado foron estos dous murais con toda a historia das nosas mulleres.
