DÍA DA POESÍA

Para conmemorar o Día da Poesía, 21 de marzo, a biblioteca, durante a sesión do recreo, convidou ao alumnado a recitar a viva voz os seus versos favoritos.

Catro foron as linguas que tivemos o pracer de escoitar: galego, castelán, inglés e mesmo o alemán en boca dunha nativa coa tradución simultánea do bibliotecario e profesor de Filosofía.

Ademais do recital, dous alumnos de 2º da ESO, coa estimable axuda do noso sempre compañeiro Lamas (profesor de lingua recentemente xubilado), prepararon unha apaixonada declamación de dous clásicos galegos.

Á esquerda, Eva Davila de 1º B da ESO recitou “A Pontevedra” de X.M.Pintos e, á dereita María Lago de 1º A da ESO recitou “Manga por hombro” de J.Sabina

Ana Pérez Fernández de 2º B da ESO dramatizou “A xustiza pola man” de Rosalía e Roberto Jiménez García de 2º B da ESO dramatizou “Nouturno” de Curros Enríquez

Ismael Orge e Santiago Piovene (4º B da ESO) pudieron cun extracto dun monólogo de Hamlet en inglés

Cyndi Scheffler deleitounos cunha creación lírica propia que foi acompañada da tradución simultánea do profesor Ramón Soler

Agardaremos polo vídeo para revivir o recital.