CELEBRACIÓN DÍA DA BILBIOTECA ESCOLAR

O pasado luns 24 de outubro celebramos con lecturas e música en directo o día da biblioteca escolar. Para ver o vídeo preme aquí.

PEQUENA BIBLIO-BIOGRAFÍA DE PEPE CARREIRO
Xosé Carreiro Montero (1954, Vigo), máis coñecido como Pepe Carreiro, é un humorista gráfico, ilustrador e deseñador de BD. Comezou en 1977 coa banda O fillo de Breogán no voceiro comunista A Voz do Pobo. Foi un dos fundadores de Can sen Dono, revista que chegou a dirixir, e XO! "a voz que para a bestas". Ten colaborado con publicacións como Teima (na sección "O galo Camilo"), Hoja del Lunes de Vigo, Faro de Vigo ("Maxistérico"), Faro do Luns (“Canle privado”), El Pueblo Gallego ("O galo Camilo"), A Peneira ("Robinsón"), La Voz de Galicia, Diario de Galicia, A Nosa Terra, Mundo Obreiro, Televisión de Galicia (“O anano do tesouro”), El Mundo, A trabe de Ouro, Tempos novos, kkrak.net, Novas de Galiza ou La Codorniz.

Publicou dous libros de humor gráfico: Fraga na Galiza (1997, Laiovento) e Peor que onte, pero mellor que mañán (2004, Fervenza). Como debuxante e guionista de cómic publicou tres álbums da serie Os Barbanzóns (2003, Toxosoutos), unha revisitación asterixiana: Baroña ou morte, No solpor da prehistoria, A noite de Samaín e A noite das cacharelas; e Os Pequenos Barbanzóns, en colaboración con Abraham Carreiro; un álbum da serie Galicia nas guerras napoleónicas: A retirada de Sir John Moore na primeira etapa da revista Golfiño, que despois foi recompilada en formato álbum por Xerais no 2002.

Como debuxante e ilustrador infantil foi o creador da serie Os Bolechas, Os Fomigón, Contos do Miño (as tres editadas por A Nosa Terra), Merlín (Xerais), Árbore e A chalupa (ambas en Galaxia), etc . Ten desenvolvido a publicación infantil "Bule bule" e publicou o álbum Compostela, historia dunha lenda (ed. Toxosoutos, 2003) da que se tiraron dez mil exemplares.

A través das súas humorísticas páxinas reflectiu a súa opinión sobre a historia, facendo fincapé nos nosos acontecementos históricos: Historia de Galicia infantil, Historia da lingua galega: do latín ao galego cordial.Versión para xente madura, Historia da lingua galega: do latín ao acento de Burgos. Versión para xente nova, Historia universal, e coñecemos a moitos persoeiros galegos a través da súa colaboración na serie Protagonistas da Historia.

Traballou de debuxante e director de arte en varias axencias de publicidade de Vigo, fundou con outros socios unha axencia propia e ten un estudo propio desde os anos 90.

Palmarés
Foi terceiro premio ex aequo con Xan González do Concurso Nacional O Facho de Cómics para nenos no 1980 por A illa dos carballos. Por toda a súa traxectoria recibiu en 2003 o Premio Ourense de Banda Deseñada, que recoñece cada ano unha iniciativa ou persoeiro relevante da novena arte en Galicia.

FORMACIÓN USUARIOS PROFES

Estabamos presentes a maioría dos que formamos o equipo da biblioteca. Moitos deles profesorado que se incorpora por primeira vez a él.

Informouse sobre cuestións prácticas como:

1. o novo programa de autoempréstito

2. as líneas prioritarias da xestión básica (busca usuarios, asignación de carnés, préstamo e devolución…)

3. fixéronse practicas de busca de libros no catálogo da biblioteca a través do OPAC- MEIGA .

E outras máis teóricas como a nova estandarización do etiquetado e os códigos da CDU.

FORMACIÓN USUARIOS PROFES

O día 20 de outubro tivo lugar a formación de usuarios para o profesorado. Preme aquí para saber máis.

Presentación da biblioteca para 1º BAC

Na última semana do mes de outubro tivemos as presentacións da biblioteca para os dous cursos de 1º BAC.

Na clase de filosofía aprendemos a buscar información en internet sobre os libros de lectura da materia e atopalos nos andeis. Para isto tivemos que aprender antes algúns conceptos sobre a distribución da biblioteca e as normas, a Clasificación Decimal Universal e o blog de filosofía.

Ao principio estivemos familiarizándonos cos espazos: os andeis de libro científico, os de literatura xuvenil, os de idiomas, o de películas, o de cómics..., o recanto dos ordenadores, o de lectura informal... Adrían foi o primeiro en usar as butacas deste último recanto.

Xunto aos andeis dos cómics, á entrada, está o cartel da CDU. Folleamos un pouco os libros dos nosos personaxes favoritos e buscamos algúns dos códigos máis frecuentes.

Agora toca baixar o arquivo de ACCESS coa información dos libros de filosofía que podemos ler este ano. Pablo amósanos como facelo na pantalla e as/os demais dicímoslle que obras que nos poidan gustar: por título, por autor, por tema...

E a continuación buscamos en Opac Meiga e, mediante o Localizador, atopamos o libro ou película no andel correspondente.

Ao final utilizamos o programa de autopréstamo para levar as nosas preferencias, como nos ensinaron nos recreos, ou tamén para devolvelas ou renovalas.

FORMACIÓN DE USUARIOS. Presentación da biblioteca para 1º BAC

Na última semana do mes de outubro tivemos as presentacións da biblioteca para os dous cursos de 1º BAC. Para saber máis preme aquí.