HORA DE LER 20-21
NESTES ENLACES TENDES A NOSA SELECCIÓN DE LIBROS PARA AS BIBLIOTECAS MÓBILES QUE ESTARÁN A DISPOSICIÓN DO NOSO ALUMNADO A PARTIR DE OUTUBRO
NORMAS SOBRE O PRÉSTAMO DE LIBROS PARA
A HORA DE LER
IES PEDRO FLORIANI - CURSO 2020/21
O alumnado accederá desde o blog da biblioteca (bibliofloriani.blogspot.com), ao formulario de google para solicitar o libro que quere ler.
No formulario figuran dous enlaces a padlet con propostas de lecturas: un dirixido a 1º e 2º de ESO e outro para 3º, 4º e FPB.
Cada persoa deberá cubrir un formulario para formalizar o empréstito do seu libro para a Hora de ler. No formulario deberá incluir alomenos catro títulos por orde de preferencia, aínda que o préstamo será só dun libro.
Pódense pedir libros de calquera dos dous padlet, independentemente do curso ao que se pertenza. Así, un alumno de 3º ou 4º pode pedir libros do padlet de 1º e 2º e viceversa. Sen embargo, a pertenza a un determinado curso pode dar prioridade á hora de tomar prestado un libro se máis dunha persoa o solicita.
O alumnado recibirá na aula a caixa con todos os libros do seu grupo (un por persoa). Ao finalizar a sesión a caixa deberá baixarse á biblioteca, onde permanecerá ata a seguinte sesión.
En cada libro figurará unha nota (post-it) co seu destinatario. Ademais, pegada na caixa irá unha lista con todo o alumnado do grupo e o libro que ten cada un.
Se algunha persoa quere cambiar o libro de lectura, deberá comunicalo a través dun correo electrónico a horadelerfloriani@gmail.com no que inclúa o seu nome, curso e o libro que solicita con, polo menos, 24 horas de antelación con respecto á seguinte sesión da Hora de ler. É aconsellable que o alumno inclúa polo menos dous títulos por orde de preferencia, por se o que desexa ler non está dispoñible nese momento.
De non poder comunicalo a través do correo electrónico, deberá facelo a través dunha nota que entregará coa caixa.
No hay comentarios:
Publicar un comentario