SESIÓN DE PRESENTACIÓN DA BIBLIOTECA PARA 1º ESO (FORMACIÓN DE USUARIOS E EDUCACIÓN DOCUMENTAL)

SUCANDO OS SETE MARES

A presentación da biblioteca para o alumnado de 1º da ESO, novo este ano no centro, fixémola coa axuda de SIMBAD, O MARIÑEIRO, que nos acompañou nesta aventura, Sucando os sete mares.

Ven con nós e participa tamén. Pica nas fotos se queres velas ampliadas, ou no cofre:

se queres descargar materiais (Ao final hai un resumo para o profesorado).


1. Presentación da biblioteca

Ao chegarmos, recibimos un agasallo: o marcapáxinas da biblioteca. Despois sentámonos.

A continuación, limos con Pilar as normas da biblioteca e comentámolas.

A biblioteca está dividida en seccións e cada unha ten un número da Clasificación Decimal Universal (CDU):

2. Os enigmas do cofre do pirata
(Formación de usuarios / Educación documental)

Agora comeza a aventura! Nun recanto hai un cofre cheo de enigmas, abandoado por un vello pirata.

Achegámonos a ver que contén: Un rolo de pergamiño e sete cartas con enigmas que prometen viaxes e emocións!

Lemos o pergamiño.

Cada un dos sete grupos, cos nomes dos sete mares, nos que onte dividimos a clase deberá resolver un enigma, buscando as obras nos andeis ou buscando a información en fontes fiables de internet.

Cando o consigamos dirémoslle a resposta a Pilar e se é correcta daranos un dos nosos barcos.

Pegaremos o barco no noso mar e iremos coller outro enigma no cofre.

Á abordaxe!!!

Comeza a busca. Quen creou o persoaxe Corto Maltés? Cales son as últimas palabras do capitán en Trazo de Tiza? Termos que lembrar onde estaba a banda deseñada.

Álvaro Cunqueiro sobre Simbad? Vázquez Montalbán sobre os mares do sur? Acolá resopran as seccións de Literatura Galega e Literatura Castelá. Coidado, corsaria, detrás de ti!

- Por que non aparecen os libros de Francisco Castro?

- Estará na sección de Literatura Xuvenil?

- Aquí! A resposta é Chamádeme Simbad!

- Xa temos o primeiro barco!

- "Cantos cantos"?
- Si. É que os capítulos da Ilíada chámanse "Cantos".

- Moncho, a Galipedia é unha fonte fiable?

- Normalmente si, pero sempre con coidado.

- A ver se poñendo Simbad o mariñeiro...

- Mira, As mil e unha noites! Pica aquí!

- Pero tamén pregunta quen é a narradora.

- Douvos unha pista: Fixádevos no pé da foto.

Vamos contar os barcos!

- Nós somos quen máis temos! Seremos as primeiras en facernos fotos cos chapeus!

- Xa se acabou?

- Son sempre así as actividades da biblioteca?

-Cando hai máis?

3. Materiais para o profesorado

Presentación da actividade

Pergamiño e enigmas (para imprimir)

Imaxes para as láminas do pergamiño e os enigmas (reverso)

Barcos e outras imaxes

Ligazón para descargar gratuitamente a fonte Calligraphic

Todos os materiais tomados de internet utilízanse soamente con finalidade educativa e, para solicitar que se retiren deste blog, basta con indicárnolo nun "comentario" na caixa de diálogo.

SESIÓN DE PRESENTACIÓN DA BIBLIOTECA PARA 1º BACHARELATO (FORMACIÓN DE USUARIOS E EDUCACIÓN DOCUMENTAL)

Este ano fixemos a presentación da biblioteca para 1º de Bacharelato en colaboración co Departamento de Filosofía. Tratábase de familiarizármonos co currículo lector de filosofía e de avanzar no usa das ferramentas MEIGA que xa coñeciamos de 4º ESO. Ao mesmo tempo, servía para que o alumnado que chegou ao centro o presente ano coñecese este punto vital que é a biblioteca.

Primeiro lemos e comentamos as normas da biblioteca e o sistema de clasificación CDU.

A continuación descargamos a base de datos do itinerario lector de filosofía na páxina web do centro.

Despois aprendemos a buscar por autoras/es, títulos e materias nas diversas ferramentas: a base de datos de filosofía, o OPAC do público e o OPAC da Rede de Bibliotecas.

Hai que fixarse no localizador do fondo que buscamos...

...e atopalo nos carteis da biblioteca.

O número 1 e a cor marrón son de filosofía.

Pero tamén hai obras do itinerario en...
...narrativa: 82=134.4 en galego, 82=134.2 en castelán
...cómics: 82-36
...antropoloxía: 591.5
...historia da ciencia: 50(091)
...literatura clásica: 87
...(por suposto) películas: 791.43

SESIÓN DE PRESENTACIÓN DA BIBLIOTECA PARA 1º BACHARELATO (FORMACIÓN DE USUARIOS E EDUCACIÓN DOCUMENTAL)

Este ano fixemos a presentación da biblioteca para 1º de Bacharelato en colaboración co Departamento de Filosofía. Tratábase de familiarizármonos co currículo lector de filosofía e de avanzar no usa das ferramentas MEIGA que xa coñeciamos de 4º ESO. Ao mesmo tempo, servía para que o alumnado que chegou ao centro o presente ano coñecese este punto vital que é a biblioteca.

Para ver a noticia e as nosas fotos, preme aquí...

SESIÓN DE PRESENTACIÓN DA BIBLIOTECA PARA 1º ESO (FORMACIÓN DE USUARIOS E EDUCACIÓN DOCUMENTAL)

SURCANDO OS SETE MARES

A presentación da biblioteca para o alumnado de 1º da ESO, novo este ano no centro, fixémola coa axuda de SIMBAD, O MARIÑEIRO, que nos acompañou nesta aventura, Sucando os sete mares.

Para ver a noticia e as nosas fotos, preme aquí...

AS MOCHILAS VIAXEIRAS... COMENZAN A SÚA VIAXE

En 1º e 2º da ESO comezan a viaxar as mochilas. E este ano van un pouquiño máis cargadas! Cun libro para a xente pequena da casa, con dous para as nais e os pais e tres para nós, con revistas con temas variados para xente xove (e unha é en inglés!), con películas para vermos xuntas/os, con cómics para todo o mundo, cunha noveliña en inglés e outra en francés (faciliñas, ei?) e cun libro sobre Redondela ou unha guía de viaxe de Galicia.

Esta é unha das actividades máis bonitas da biblioteca. Chegamos coa mochila a casa e vemos o contido. Só podemos botar unha olladiña a tantas cousas, pero lemos algo, vemos a peli, folleamos por aquí e acolá... Despois escribimos na libreta da mochila as nosas impresións, o que nos pareceu mellor, o que propoñemos que se cambie (e por que) e o xeito en que lemos na casa. E o luns pedimos prestado na biblioteca o que máis nos gustou e recomendámosllo á xente que coñecemos.

Boa viaxe!

AS MOCHILAS VIAXEIRAS... COMENZAN A SÚA VIAXE

En 1º e 2º da ESO comezan a viaxar as mochilas. E este ano van un pouquiño máis cargadas! Cun libro para a xente pequena da casa, con dous para as nais e os pais e tres para nós, con revistas con temas variados para xente xove (e unha é en inglés!), con películas para vermos xuntas/os, con cómics para todo o mundo, cunha noveliña en inglés e outra en francés (faciliñas, ei?) e cun libro sobre Redondela ou unha guía de viaxe de Galicia.

Para ver a noticia e as nosas fotos, preme aquí...

SESIÓN DE FORMACIÓN DE USUARIOS COS PROFESORES

As/os profes tamén aprenden

No IES Pedro Floriani estamos dedicando algúns recreos a formarnos como usuarias/os de MEIGA.
Todo mundo que utilice o programa ten que aprender a prestar e devolver libros, buscalos na base de datos por título e/ou por autor/a, localizalos nos andeis e detectar erros na ficha ou na localización.
Outras tarefas están divididas: Dar de alta e borrar rexistros, catalogalos coa CDU e Materias da nosa biblioteca para facilitar a busca en OPAC, organizar o expositor e a caixa das novidades, ordear as revistas, cómics e prensa...
E todo o mundo colabora nas actividades de animación: mochilas, clubes de lectura, presentación da biblioteca, etc.

E, por fin, todo o claustro participa na HORA DE LER.

Moncho , o coordinador, explícanos as características do programa, aínda que hai xente que xa as coñece porque traballou na biblioteca en anos anteriores, neste ou noutro centro:

Mercedes, Lily, Rosa, Sira, Vitorio (e Susa e Antón detrás de Vitorio, e Elena, que saca as fotos) buscan un libro na base de datos. Algún criterio que non hai que esquecer? SI: Sempre mellor datos de menos que de máis. E buscar por "Texto e frase" salvo que saibamos moi claro o que buscamos.

Marga, enMEIGAda:

Mercedes e Rosa encárganse da catalogación:

Susa e Sira fan préstamo nos recreos. Pero unha parte fundamental do seu labor é manter a biblioteca ordeada, renovar o expositor e a caixa de novidades e facilitar o acceso á prensa, as revistas e os cómics:

E, sempre, ATENCIÓN AOS NÚMEROS DA CDU, tanto ao buscar como, sobre todo, ao devolver os fondos aos andeis!!!

SESIÓN DE FORMACIÓN DE USUARIOS COS PROFESORES

No IES Pedro Floriani os proesores estamos dedicando algúns recreos a formarnos como usuarias/os de MEIGA.
Todo mundo que utilice o programa ten que aprender a prestar e devolver libros, buscalos na base de datos por título e/ou por autor/a, localizalos nos andeis e detectar erros na ficha ou na localización.

Para ver a noticia e as nosas fotos, preme aquí...

BANDA DESEÑADA CON GOCHI NA BIBLIOTECA PÚBLICA DE REDONDELA

O venres, 5 de outubro acudimos á Biblioteca Pública de Redondela, no Pavillón Multiusos da Xunqueira, a unha actividade para profes: Banda deseñada con Gochi.

Gochi (David Prieto) é un deseñador galego, creador entre outros do personaxe Trasmallo e principal impulsor da editorial Cerditos de Guinea:

A primeira parte do obradoiro tratou sobre os distintos ámbitos e xéneros de banda deseñada: Superheroes americanos, manga xaponés, BD franco-belga...

E na segunda parte explicounos os materiais que usan as/os profesionais do cómic para deseñar: Lapis, pinceis e rotuladores, gomas, tintas, tramas adhesivas...

Todo isto está recollido nun Manual de Emerxencia de Banda Deseñada que podedes descargar na web de Cerditos de Guinea, así que non deixedes de visitala!!!

BANDA DESEÑADA CON GOCHI NA BIBLIOTECA PÚBLICA DE REDONDELA

O venres, 5 de outubro acudimos á Biblioteca Pública de Redondela, no Pavillón Multiusos da Xunqueira, a unha actividade para profes: Banda deseñada con Gochi.

Para ver a noticia e as nosas fotos, preme aquí...

II ENCONTRO DE BIBLIOTECAS PÚBLICAS E ESCOLARES DE REDONDELA

O pasado xoves, 23 de setembro reunímonos no Multiusos da Xunqueira representantes das bibliotecas públicas e escolares da vila.

Falamos de moitas cousas: de obradoiros de banda deseñada, de Facebooks e Planetakis, de actividades sobre a Illa de San Simón, o buzo e Xulio Verne, das obras dos curriculos nos centros escolares, de centros de interese para préstamo entre bibliotecas, de boletíns, marcalibros e logos...

Podedes ver máis información no blog da Biblioteca Pública, onde tamén atoparedes a referencia do 1º Encontro na Categoría "Bibliotecas Escolares"

Lembrade tamén que para o 22 de outubro, ás 6 da tarde, organizan un taller de Manga con entrada gratuita pero PRAZAS LIMITADAS dirixido a rapazas/es entre 11 e 15 anos. Corre a informarte e inscribirte no Multiusos da Xunqueira!

NOVIDADES: Estudos xurídicos sobre o Decreto para o plurilingüismo

Dentro da polémica creada polo Decreto de Plurilingüismo, publícase este libro que pode servir de axuda legal para profesoras/es que vaian seguir impartindo clases en galego en contra do que ordena o Decreto e de acordo con leis de maior rango en Galiza, España e Europa.
Se queredes coñecer os argumentos deste sector do profesorado, en xeral pouco difundidos na prensa, podedes ver este video de Galicia Confidencial.

II ENCONTRO DE BIBLIOTECAS PÚBLICAS E ESCOLARES DE REDONDELA

O pasado xoves, 23 de setembro reunímonos no Multiusos da Xunqueira representantes das bibliotecas públicas e escolares da vila.

Para ver a noticia e as nosas fotos, preme aquí...

Unha semblanza de Labordeta

Un cariñoso recordo para José Antonio Labordeta. Podedes ver un resumo da súa vida en eskup:

Doce momentos para lembrar a Labordeta