Resumo de actividades 2013-14

Xa estamos comezando o curso 2014-15, así que imos ir resumindo o traballo da nosa Biblioteca Escolar en 2013-14. Na súa maior parte dedicouse ao Proxecto de Biblioteca, que este ano foi Xénero e Identidade, pero recollemos tamén outros conceptos:

Proxecto biblioteca: Xénero e identidade
Actividades xerais 2013-14
Colaboracións con outras entidades
Formación de usuarias/os
Boletíns

Pica nas imaxes da columna da esquerda para acceder aos posts

      PROXECTO DE BIBLIOTECA: XÉNERO E IDENTIDADE      

	Enquisa roles de xénero
	Enquisa ciencia e xénero
	Hamlet - Documentation
	Violencia de xénero - 1º Humanístico
	Violencia de xénero - 1º Ciencias e Tecnoloxía
	Encontro con Jéssica Míguez Lago, cabo da BRILAT
	Encontro con Carolina Iglesias, psicóloga
	Hamlet - Documentation / Our work
	Exposición: Ciencia e xénero no século XXI
	Gender roles in commecials
	A Cincenta que non quería comer perdices - 1º ESO
	Rede de Escolas de Amnistía Internacional - Encontro con Susana Muíños
	Gender violence in music
	Xénero e poesía: Recital de Silvia Penas
	Exposición: Xénero e Identidade - Lecturas filosóficas
	Exposición: Mulleres emprendedoras
	Visita á Casa Museo Pardo Bazán
	Gender roles - Glossary of terms and concepts
	Mulleres galegas - Presentacións de 2º de PDC

      ACTIVIDADES XERAIS 2013-14      

	Mochilas viaxeiras
	Concerto TERANGA
	Concurso de Relato de Terror
	Día da Biblioteca 2013
	6 charlas filosóficas - A revolta dos animais
	Encontros con autores - Miguel Anxo Fernández
	Mindfulness
	Exposición: "Ler ciencia na biblio"

      COLABORACIÓNS CON OUTRAS ENTIDADES      

	Día da Biblioteca 2013 (Biblioteca Pública Municipal)
	Recollida de móbiles - Preparación (Rede de Escolas de Amnistía Internacional)
	Día da Paz 2014 - Coltán (Rede de Escolas de Amnistía Internacional)
	Día da muller 2014 - Encontro con Susana Muíños (Rede de Escolas de Amnistía Internacional)

      FORMACIÓN DE USUARIAS/OS      

	Presentación da biblioteca para 1º de Bacharelato - Materiais
	Presentación da biblioteca para 1º de Bacharelato - Visita

      BOLETÍNS      

	Boletín Nadal 13-14
	Filosofía... en cómic !!!
	Ler ciencia na biblio
	Xénero e Identidade: Lecturas filosóficas

CHARLAS "A REVOLTA DOS ANIMAIS" – 6

6ª sesión: Os debuxos (e máis)

... Un retrato de Napoleón, de perfil, executado por Squealer en pintura branca

Xa acabaron as charlas na biblioteca por este ano!

Pero aínda temos un post máis no blog para recoller, coma sempre, os materiais de toda a serie (presentacións e carteis). Esta vez, sobre todo, queremos reunir todos os debuxos que fixeron Andrea Martínez, Andrés Núñez, Sara González e Iara García. Ademais, ofrecémosvos algúns dos enderezos de internet que utilizamos para preparar o noso traballo.

Os debuxos

Picade na imaxe para verdes en ISSUU os personaxes principais (porcos e cabalos) e secundarios (galiñas, ovellas...) e as caricaturas de personaxes históricos:

Materiais para descargar

Picade no debuxo para baixar todos as presentacións, os carteis e os debuxos, en formato comprimido:

Ligazóns

Hai algunhas recensións do libro en galego, como a do blog Tirarrollas:

Xa coñecedes as guías de BookRags e SparkNotes, pero entre as páxinas en inglés esta vez gustounos a de Schmoop:

Hai moi boas páxinas en castelán. Dúas das máis coñecidas, Monografías e Rincón del Vago, son tamén das máis completas:

Finalmente, a peli en inglés con subtítulos en castelán:

CHARLAS "A REVOLTA DOS ANIMAIS" – 5

5ª sesión: Símbolos da novela

Todos os animais son iguais... pero algúns son máis iguais ca outros

A derradeira charla filosófica deste ano dedicámola ao mundo simbólico de A revolta dos animais.
A exposición correu a cargo de Diego Pérez e Iago Blanco que analizaron, respectivamente, os mandamentos e a súa evolución e máis os símbolos do animalismo como a bandeira ou o himno.

Diego explicounos como os mandamentos foron evolucionando a medida que os porcos íanse humanizando (lembremos que, na linguaxe da novela, isto quere dicir que os dirixentes comunistas ían adquirindo os peores hábitos burgueses). Deste xeito, Ningún animal durmirá en camas cambia, cando Napoleón e os outros comezan a facelo, a Ningún animal durmirá en camas con sabas. Só Benxamín (o burro ilustrado) parece percibir estes cambios, mentres os cans (a policía de Stalin) sementan o terror e as ovellas (o partido comunista oficial) repiten fórmulas desgastadas e desmobilizadoras coma Catro patas ben, dúas pernas mal.

Con Iago fixámonos nos paralelismos entre o animalismo e o comunismo, o corno e a pata e a fouce e o martelo, a bandeira verde da Granxa Animal e a bandeira vermella da URSS e a canción Bestas de Inglaterra e a Internacional. Nos debuxos finais non somos quen de distinguir se as figuras son de animais ou de persoas Vemos que se están xogando as granxas ás cartas e de súpeto sacan dúas cartas de espadas iguais e comezan a acusarse mutuamente de facer trampa. Iago compara isto coas Conferencias de Ialta e Teherán onde comunistas e capitalistas se repartiron o mundo como bos amigos... só para comezaren de seguido coa guerra fría e as acusacións mutuas de espionaxe.

Materiais para descargar

Estamos preparando un post máis desta serie no que poderedes descargar todas as presentacións multimedia das cinco charlas e máis os cinco carteis, xunto coa colección completa de debuxos de Andrea Martínez, Andrés Núñez, Sara González e Iara García, pero polo de agora podedes ir baixando a presentación e o cartel desta quinta sesión: