CLUB LECTURA 4º ESO. 8ª SESIÓN: Á LUZ DAS CANDEAS

Retomamos a vella tradición da transmisión oral da narrativa popular da man do gran contista Ánxel Fole, tentando aclimatalo, mágoa dunha lareira!, con candeeiros que provoquen a escuridade precisa para alentar o medo.
Desta vez, é a profesora a que, a falta dun contacontos profesional, le “Aleluia”, á luz das candeas, do libro de relatos Á lus do candil.
O que ignoran os clubeir@s é que contamos cun especialista en efectos especiais de moito talento. Santi Piovene, que xa tiña lido estes relatos, axudou a acelerar o ritmo cardíaco dos seus compañeiros, mesmo houbo berros, coa imitación do “ta, ta, ta…” do caiado no chan batendo estrondosamente unha porta ou cando o “Pan!...” dunha porta que se abre converteuse no pesado volume 1 do dicionario Gran Xerais caendo no chan. Descubrimos, ademais doutra funcionalidade dos dicionarios, que, ademais dun bo conto, os efectos especiais son esenciais para conseguir empatizar coa historia.

LIBROS QUEIMADOS, LIBROS SALVADOS, CAMBIOS DE ACTITUDE

Fahrenheit 451: Libros de filosofía en galego

No 3º trimestre, en colaboración co departamento de filosofía, os grupos de 1º de bacharelato fixeron unha actividade conxunta para aprender a buscar versións galegas dos libros do itinerario lector da materia. Como parte do traballo fixéronse tres murais, que podedes ver en detalle picando nas fotos (Ctrl. + Click aquí para abrir sen saír do blog):

Xiana Roza, de 1º Bacharelato Humanístico, resume a actividade:

Estes murais baséanse na idea que quere mostrar a novela Fahrenheit 451. Nela vese con toda claridade como hai certos libros reprimidos nas linguas. Un exemplo de represión é que case todas as obras referidas á filosofía atópanse en alemán, grego, castelán, francés... ata agora case nunca se atopaban en galego.

Na novela de Ray Bradbury as temperaturas son símbolos que representan as actitudes. Hai un lume que queima, o dos incendios e as piras de libros, e un lume que quenta, o da fogueira onde se reúnen e charlan os homes-libro (e mulleres!). A auga (as bágoas, a chuvia, o río...) representa o renacer, o cambio nas actitudes.

Non todos os libros que queremos ler os atopamos en galego. A maioría soen estar só noutros idiomas. A estes libros chamámolos “libros queimados”, e un exemplo é O mundo de Sofía. Polo contrario, os libros que se poden atopar na nosa lingua chamámolos “libros salvados”, como A revolta dos animais e o propio Fahrenheit 451.

A pesar da imposición doutros idiomas, os “libros salvados” son cada vez máis porque se editan e, sobre todo, escríbense! máis libros de filosofía en galego, e isto é porque a xente anímase a compralos, pedilos, preguntar por eles... Dous exemplos son Aristóteles, o mestre dos que saben, de Alfredo Marcos, e Historias da filosofía, de Marcelino Agís.

O río, como en Fahrenheit 451, representa os cambios de actitude das persoas que traballan para que haxa máis obras no noso idioma, polo cal o mellor que se pode facer é seguir insistindo nisto para difundir máis o galego.


1. O traballo en clase: como saber se un libro está editado en galego

Comezamos traballando en clase con este titorial:

2. A confección dos murais

Despois buscamos cada quen un exemplo de libro queimado e outro de libro salvado, preguntando nas librerías por títulos en galego ou buscando na base de datos do ISBN, e pensamos unha proposta de cambio de actitude para que a sociedade perciba a nosa inquedanza pola publicación no noso idioma.

Dámoslles voltas ás primeiras ideas. Facemos os primeiros bocetos e as primeiras probas...

...pintamos os murais...

...e, para rematar, colgámolos no corredor e pegamos os libros e consellos.

Catro exemplos de propostas de cambios de actitude:

Interesarnos por se o libro que queremos está en galego.
Aínda que o libro non estea en galego podemos pedilo igual porque se o pide moita xente ao mellor acábano traducindo.
Mellor promoción dos autores galegos.
Maior preocupación das editoriais por facer traducións.


Feliz Día das Letras Galegas!

A INSOPORTABLE LEVEDADE DAS BIBLIOTECAS ESCOLARES GALEGAS

Ante a previsible retirada de formadores específicos no ámbito das bibliotecas escolares no Servizo de Formación do Profesorado, no Centro Autonómico de Formación e Innovación e nos centros de formación e recursos dependentes da Dirección Xeral de Educación, Formación Profesional e Innovación Educativa, segundo o borrador da orde que convocará concurso público de méritos para cubrir postos de persoas directoras e asesoras nestes centros queremos manifestar o seguinte:

Hai proxectos que nacen marcados pola vulnerabilidade e a razón desta circunstancia non ten nada que ver coa falta de rigor ou a pouca entrega das persoas que os poñen en marcha. Máis ben ten que ver co feito de que nacen destinados a nadar contra corrente. Con todo, esa é a principal razón da súa existencia: xorden porque responden a unha necesidade non satisfeita pero compartida por un número crecente de persoas que senten que é posible compartir e facer viable o proxecto xuntos. Así naceu o movemento que cristalizou na iniciativa que todos coñecemos como PLAMBE. De xeito que dende hai algúns anos, esa iniciativa levou o mellor da creatividade e o esforzo de moitos docentes que xenerosamente regalaron o seu tempo e a súa capacidade de formar equipos e ilusionar a outros docentes en centros e centros de toda a nosa comunidade. Xuntos aprendemos a ser rigorosos e esixentes nos nosos proxectos, a crear espazos de aprendizaxe colaborativo, de cambios de estratexia, de achegamento ás novas tecnoloxías, de racionalización na xestión da información. Que ninguén se equivoque: os responsables das bibliotecas escolares non son seres evanescentes perdidos en vanas quimeras que tentan “roubar” horas a materias “importantes” para que o alumnado esmoreza entre mundos de ficción. Nada máis lonxe da realidade. Nun centro onde hai un equipo que xestiona a biblioteca de forma eficaz nótase. Os fondos adquírense con criterio, establécense acordos para xestionar a información, créanse espazos de colaboración e docencia compartida. Non é doado porque a maquinaria educativa ten unhas inercias difíciles de combater. A pesar de todo, estes docentes fórmanse e exercen a súa dura misión en horas non retribuídas, roubadas ás súas familias, ao descanso, ao lecer. Fomos coordinados con rigor e seriedade pola Asesoría de Bibliotecas Escolares pero sempre nos faltou o marco legal axeitado. A nosa misión é dura porque queda moito por definir. Na nosa inxenuidade e boa fe esperabamos conseguir progresivamente tempos e formación para seguir mellorando na nosa función se demostrabamos que eramos rigorosos e eficaces. Os nosos méritos como colectivo son dabondo coñecidos polos nosos gobernantes e acreditados por diferentes administracións e ámbitos a nivel estatal. Os numerosos e constantes premios anuais de boas prácticas concedidos polo Ministerio de Educación y Ciencia non caeron do ceo. Durante todos estes anos a formación recibida foi fundamental para levar a cabo actuacións rigorosas e enfocadas na dirección correcta.

Sabemos das cuantiosas axudas que a Dirección Xeral de Educación, Formación Profesional e Innovación Educativa, destina a outros proxectos, dos incentivos para a elaboración de contidos dixitais por parte das empresas editoriais, entre outras iniciativas. Non sería tamén interesante fomentar a produción de materiais propios e promover desde cada centro a estandarización de procedementos que axuden a xestionar a información entre o noso alumnado sen confiar todo a eses materiais externos que proceden da industria editorial, por valiosos que poidan ser? Por que non seguir aproveitando a experiencia e valía dos equipos das bibliotecas escolares nestes cometidos?. O noso empeño sempre foi crear nos centros pequenos focos que tentan estender esas boas prácticas de innovación e excelencia. Non entendemos este novo e repentino xiro na política de formación desta Dirección Xeral. Non nos parece xusto posto que, podemos dicir honestamente que, pola nosa banda, cumprimos con fartura. Ao desmantelar as estruturas que nos sosteñen o deterioro será proporcional ao entusiasmo e o esforzo investidos: inmenso e imparable. Algúns lembramos como o noso Conselleiro lanzou un bico ao aire ao despedirse dos asistentes aos últimos encontros despois dunhas entusiastas palabras de eloxio polos éxitos logrados polas bibliotecas escolares galegas a nivel estatal. Onde quedou ese entusiamo? Que interpretación debemos facer? O noso país pode permitirse tirar pola borda todo este traballo? E nós?. En que situación quedaremos agora diante das nosas comunidades educativas se despois de tanta insistencia é a propria Consellería a que nos invisibiliza?.

ENGLISH READINGS

WELCOME AGAIN TO THE READER’S CORNER OF ENGLISH DEPARTMENT AT PEDRO FLORIANI HIGH SCHOOL

Students of First Year of Bachillerato have been reading a series of books by well-known English and American writers.
Three students of Bachillerato Humanístico Noa Vázquez, Cristina Méndez and Mª Mar Prieto have kindly agreed on filming their reading reviews. Thank you girls for your courage !!

AN EXTRACT FROM HAMLET

After an adaptation of the play by William Shakespeare, a group of students of 4th year of ESO, Eduardo Reguera, Santi Piovene, Adrian Vilaboa and Carla Lago have skillfully performed their roles as narrator, Hamlet, Claudius and Gertrude respectively. Watch the result:

STUDENTS OF 1º ESO READ ADAPTED VERSION OF TOM SAWYER

Greetings from Pedro Floriani English Department.
We are starting our Reading Days with First Year of ESO groups. We want to promote the use of the English language by reading well-known novels by famous authors.
This time we have chosen the adaptation of The Adventures of Tom Sawyer by Mark Twain.

MOCHILAS VIAXEIRAS - FINALIZA A ACTIVIDADE

“As mochilas viaxeiras” remataron a súa andadura este curso. Foron percorrendo os distintos fogares dos alumnos do primeiro ciclo da ESO levando propostas para toda a familia.

Para ver a noticia e as nosas fotos, preme aquí...

MOCHILAS VIAXEIRAS - FINALIZA A ACTIVIDADE

“As mochilas viaxeiras” remataron a súa andadura este curso

Foron recorrendo os distintos fogares dos alumnos do primeiro ciclo da ESO levando propostas para toda a familia. Picade nesta ligazón para ver as fotos de cando comezou a actividade e os contidos que levaban.

Destacamos a boa acollida que tivo esta actividade tanto por parte do alumnado como pola dos seus pais e avós. Serviu para ter conta do que podemos atopar na biblioteca do centro, para compartir un rato de lecer entre bos libros ou filmes e para comentar entre compañeiros o que máis gustou (e o que menos).

Moitas grazas polos vosos comentarios, axudarannos a mellorar cara o ano que ven. Chama a atención a esixencia que teñen consigo mesmas algunhas persoas, porque nos consta que algunhas das que opinan que non teñen moito hábito de lectura son realmente grandes lectoras! Aquí tedes unha pequena mostra do que escribistes:

CLUB LECTURA 4º ESO. 7ª SESIÓN: RELACIÓNS AFECTIVAS E EMOCIONAIS

TRABALLANDO COAS EMOCIÓNS

O martes 31 de maio no Club de Lectura de 4º ESO unha lectura de contos taoístas, zen referidos ás emocións.

1ª lectura : Os lobos. Lido por Adrián Vilaboa e Santi Piovene.
2ª lectura: O valor das cousas. Lido por Marta Cabaleiro e Nerea Fernández.
3ª lectura: O samurai e o pescador. Lido por Carla Lago e Aida Darriba.
4ª lectura: Conto taoísta. Estefanía Calvar e Estela Cabaleiro.