PROXECTO MULTIDISCIPLINAR 19-20: A TECNOLOXÍA NAS NOSAS VIDAS

SEMANA DO LIBRO: TOD@S LEMOS

Como este ano coincidiu o Día do Libro en sábado e en plena Semana Santa, o Equipo de Biblioteca decidiu desenvolver a Semana do Libro xusto á volta das vacacións e xa descansadiños.
Así que do 26 ao 29 de abril, durante os recreos e na entrada principal interior e exterior do centro Tod@s Lemos. E o noso alumnado apreciou os nervios lectores dos seus profes de matemáticas, educación física, FOL, filosofía, música, historia, latín, inglés, francés, castelán, galego... e mesmo o conto Zen co que nos deleitou a orientadora do centro.
Ademais, tivemos o inmenso pracer de escoitar a lectores expertos: dous pais, unha nai e unha marabillosa avoa. Impresionante foi o discurso “Gloria” de Castelao do pai Eduardo Reguera (Concelleiro de Cultura), profesionalísima a dobre recitación (literaria e pedagóxica-divertida) de “Campanas de Bastabales” do pai Roberto Darriba , sentida a lectura de “Deitado frente ao mar” da nosa querida presidenta da ANPA Flora Álvarez e fascinante exemplo de literatura popular oral o da avoa Purificación Placer.
Desde o Equipo de Biblioteca dámoslles calorosamente as grazas aos profes pola súa colaboración. Aos marabillosos pais/nai e á avoa, alén da nosa gratitude, queremos comunicarlles a pedagóxica envexa que nos transmitiron; envexa do ben que len e recitan, pedagóxica por ser motivadora da nosa superación recitadora/lectora en vindeiras xornadas.

Martes 26 de abril


Eduardo Reguera (pai de alumno e Concelleiro de Cultura de Redondela). Discurso Gloria de Castelao.
Purificación Placer (avoa dunha alumna). Recitou contos e romances populares.

Mércores 27 de abril


María Fontela
(profesora de Lingua Castelá). El mal de Montano de E.Vila-Matas e Ácido sulfúrico de A. Nothomb.
Mercé Barrientos (profesora de Educación Física). Galicia, Galicia de Manuel Rivas.
Cocha Pazos (orientadora do centro). O valor das cousas, unha historia zen.
Andrea Moreno (profesora de Historia). Muerte de Antonio Camborio de Federico García Lorca.

Xoves 28 de abril


Victoriano Cabaleiro (profesor de inglés). The Call of the Wild by Jack London.
Rosa Ligero (profesora de Lingua Galega) As mil e unha noites.
Sira Salgueiro, Susa Cortegoso e Pilar Sáenz (profesoras de FOL, Latín e Francés). Un millón de vacas de Manuel Rivas.
Lorenzo Suárez (profesor de música). Prosa del observatorio de J.Cortázar.

Venres 29 de abril


Roberto Darriba (pai de alumna) Campanas de Bastabales de Rosalía de Castro
Flora Álvarez (nai de alumno e presidenta da ANPA). Deitado frente ao mar de Celso Emilio Ferreiro.
Margarita Tovar (profesora de Historia). A marquesiña de Cousas de Castelao
Ramón Soler (profesor de Filosofía e coordinador da biblioteca). Las filofábulas de Miquel Piquemal.
Alberto Callejo, Fátima Estévez e Rosa Armesto (profesores de Química e Matemáticas). El hombre que calculaba de Malba Tahan

CLUB LECTURA MIXTO 5ª SESIÓN: METAARTE

O mércores 16 de marzo reunímonos o clube de lectura co fin de analizar a obra de Ken Follet titulada Os alicerces da Terra.


A nosa xuntanza comezou cunha breve presentación que sintetizaba dun xeito claro os elementos fundamentais da novela: a etapa histórica na que se sitúa a trama, os personaxes da novela xerarquizados atendendo os distintos grupos sociais, as relacións que manteñen entre eles, o proceso de construción da catedral e, finalmente, fixemos fincapé nuns cantos conceptos arquitectónicos de importancia para comprender o estilo gótico ao que pertence a catedral erixida.

Deseguido, visualizamos unhas oitos escena significativas da serie televisiva baseada nesta novela de Ken Follet, o cal permitínuonos iniciar un debate moi enriquecedor. Así comezamos analizando a impresión que a serie creou naqueles que leron o libro, pois amosáronnos que a serie dá moita axilidade á trama argumental reflectida na novela; mais deixa algunhas cuestións peor tratadas, tal é o caso do simplismo co que Alfred ou o Bispo Waleran aparecen retratados na serie, ou ben o maior peso que a cuestión de sucesión dinástica ten na novela fronte a serie.

Por outra banda, a nosa compañeira Andrea resaltou a importancia da novela e, principalmente, da serie para comprender a organización e a estructuración da sociedade medieval (pobo, nobres e clero) e tamén para visualizar o proceso de construcción das catedrais góticas e as súas características arquitectónicas.

Os comentarios sobre a novela e a serie foron nutridos, pero acabaron derivando noutras cuestións moi interesantes, pois estableceuse unha comparativa con outras novelas do mesmo estilo como foron O nome da Rosa de Umberto Eco, O médico de Noah Gordon, A Catedral do Mar de Ildefonso Falcones ou A man de Fátima do mesmo autor. Este último libro permitiunos abordar o tema das relixións. En xeral, obras de novela histórica, como a que actualmente se anuncia: Una diosa para el rey, de Mari Pau Dominguez, son recomendables, se ben non deben lerse acriticamente.

Terminamos esta entrada do noso blog facendo unha valoración positiva do noso último encontro literario e cinematográfico sobre Os alicerces da Terra; mais tamén concluindo, como ben destacou Moncho, que os lectores actuais somos máis críticos á hora de analizar as producións cós meros consumidores de televisión, o que se nota na imaxe máis piadosa e comercial que a serie dá do Bispo Waleran.


MATERIAIS para descargar
(Preme Ctrl. + Click para abrir a ligazón sen perder esta páxina)

Presentación: Trama, personaxes, conceptos arquitectónicos.
Wikipedia – Artigo sobre a serie de televisión cunha comparación coa novela moi precisa e documentada


Guión de man para a/o monitor/a con datos históricos, resumo e motivación para o comentario:


Resumo minutado dos 4 DVDs para visualizar nuns 40 min. aprox.:


Todos os materiais son utilizados soamente con fins educativos. Para solicitar a súa retirada do blog pódese facer a través do cadro de diálogo "Comentario", ao final deste artigo.

SHAKESPEARE’S EXHIBITION

Do you want to see your schoolmates’ projects on Shakespeare and his time?

THE SECOND TERM PROJECT STEP BY STEP

DÍA INTERNACIONAL DO LIBRO INFANTIL E XUVENIL 2011

Con motivo do Día do Libro Infantil e Xuvenil, o alumnado de 3ºESO B e 1º PDC do IES Pedro Floriani realizou unha lectura pública na Biblioteca Pública de Redondela.


Para ver a noticia e as nosas fotos, preme aquí...

SHAKESPEARE’S EXHIBITION

Do you want to see your schoolmates’ projects on Shakespeare and his time?

THE SECOND TERM PROJECT STEP BY STEP


FIRST STEP

Each group of students had to choose a topic to work on. These were the selected topics:

TOPIC 1: QUEEN ELIZABETH I

TOPIC 2: LIFE IN ELIZABETHAN TIMES.

TOPIC 3: LONDON IN THE 16TH CENTURY.

TOPIC 4:SHAKESPEARE BIOGRAPHY.

TOPIC 5: SHAKESPEARE’ S WORK ( PLAYS AND POETRY)

TOPIC 6: THE GLOBE THEATRE.

SECOND STEP

The next step was to find information about the chosen subject. They can use either the available bibliography on history books and enciclopedias in our library or the on-line resources through computers.

THIRD STEP

Selecting the information is not always easy and it was the most complex task we tackled as our sources on the internet were endless. We had to read and decide which information was relevant for our topic and which aspects we wanted to focused on. Nevertheless, with patience and some guidance from the teacher we managed our way through.

FOURTH STEP

Elaborate and write what we had read was also quite challenging as we had the tendency to copy exactly what we find on the net.

FIFTH STEP

How can we make an appealing project? Look at the photos to see the result. Bye.

DÍA INTERNACIONAL DO LIBRO INFANTIL E XUVENIL 2011

O IES P. FLORIANI CELEBRA NA BIBLIOTECA PÚBLICA DE REDONDELA O DÍA INTERNACIONAL DO LIBRO INFANTIL E XUVENIL

Con motivo do Día do Libro Infantil e Xuvenil, o alumnado de 3ºESO B e 1º PDC do IES Pedro Floriani realizou unha lectura pública na Biblioteca Pública de Redondela. Seguimos aunando esforzos despois xa dalgúns anos de colaboracións. Pretendimos reunir a reflexión e a emoción cunhas lecturas á vez clásicas pero moi de actualidade: O ruiseñor e a rosa de Oscar Wilde, conto sobre a pureza do verdadeiro amor, e Fahrenheit 451 de Ray Bradbury, reflexión filosófica sobre un mundo condenado a ser feliz sen libros, desprovisto da lectura que provoque calquera forma de pensamento crítico.


Elena, a bibliotecaria da Biblioteca Municipal, contounos anécdotas sobre a publicación de ámbalas dúas obras literarias.

PRESENTACIÓN DE OBRAS DE FILOSOFÍA: UN FELIZ MUNDO NOVO II (OS PERSONAXES)

Samuel Fernández e Xiana Roza, de 1º Bacharelato Humanístico, presentan o libro Un feliz mundo novo, de Aldous Huxley

Para ver a noticia e as nosas fotos, preme aquí...

PRESENTACIÓN DE OBRAS DE FILOSOFÍA: UN FELIZ MUNDO NOVO II (OS PERSONAXES)

Socioloxía: Un feliz mundo novo, de Aldous Huxley
Por: Samuel Fernández e Xiana Roza, 1º Bacharelato Humanístico


O máis sorprendente é que non querían controlalos: buscaban a súa felicidade

Samuel e Xiana fálannos dos personaxes máis importantes da novela de Aldous Huxley: Bernard Marx, Lenina Crowne, Helmholz Watson, John O Salvaxe, Linda e Mustafá Mond.

Os cinco primeiros son importantes para o desenvolvemento da acción, pero é o último o que leva máis peso filosófico porque é el quen explica, na metade da novela, por que esa sociedade está organizada así: a felicidade conséguese a base de eliminar as tensións edípicas ao suprimir a familia, ocupar o tempo libre porque os seres humanos, cando non traballan, destrúense mediante o alcolismo e a violencia, anular a intelixencia e a ansia de coñecemento porque dan falsas esperanzas ás persoas, eliminar a conciencia do sufrimento e a morte e, en resumo, fomentar o consumo e a destrución para que a industria siga sempre traballando a un ritmo constante.

Pica aquí para ver a presentación multimedia feita por Samuel e Xiana (para descargala, click dereito + Gardar enlace como...).



APRENDE A USAR O BUSCADOR MEIGA

Como podo atopar os fondos de lectura filosófica?

...Buscar por: Lista alfabética // En: CDU // (Criterio de busca): 1(82)

MEIGA atopa unha listaxe de todos os libros que están fichados coa clave CDU 1(82). Esta clave está formada polo número 1, que quere dicir "Filosofía, psicoloxía, ética" e o auxiliar de forma 82, que quere dicir "Literatura".
O auxiliar de forma vai entre parénteses e indica en que "forma" está o "fondo" (libro ou película)que buscamos. Neste caso quere dicir que está en forma de literatura.

Ir directamente ó resultado: CDU: 1(82), por Lista alfabética


Fíxate en que facemos a busca por "Lista alfabética" porque se a fixésemos por "Frase ou texto", que non esixe que o texto "1(82)" estea ao principio senón que pode estar no medio da CDU, entón aparecerían tamén os fondos con CDU "51(82)". O número 51 quere dicir "Matemáticas", e 51(82) son as obras de literatura matemática.

Ir directamente ó resultado: CDU: 1(82), por Frase ou texto

PRESENTACIÓN DE OBRAS DE FILOSOFÍA: UN FELIZ MUNDO NOVO I (UTOPÍA E DISTOPÍA)

Seila Crespo e Diego González, de 1º Bacharelato Ciencias e Tecnoloxía, presentan o libro Un feliz mundo novo, de Aldous Huxley

Para ver a noticia e as nosas fotos, preme aquí...

PRESENTACIÓN DE OBRAS DE FILOSOFÍA: UN FELIZ MUNDO NOVO I (UTOPÍA E DISTOPÍA)

Socioloxía: Un feliz mundo novo, de Aldous Huxley
Por: Seila Crespo e Diego González, 1º Bacharelato Ciencias e Tecnoloxía


Unha distopía é unha forma de vida na que a tecnoloxía non mellora a vida das personas senón que as controla e afecta no seu xeito de relacionarse e de vivir

Aldous Huxley escribiu esta novela en 1931 e en 1946 engadiu un prólogo no que resume a súa tese, moi pesimista, de que o ser humano ten tres opcións: vivir nunha sociedade cada vez máis tecnolóxica e alienante, apartarse do progreso e aceptar a dor e o sufrimento ou illarse e vivir en soidade. As tres posibilidades están ilustradas na novela. E as tres son as que Diego e Seila escolleron para explicarnos os conceptos de utopía e distopía a través da análise das sociedades de Utopía e Malpaís e da imposible soidade do salvaxe no faro, ao final da obra.

Pica aquí para ver a presentación multimedia feita por Diego e Seila
(para descargala, click dereito + Gardar enlace como...).



APRENDE A USAR O BUSCADOR MEIGA

Que utopías temos na biblioteca?

...Buscar por: Frase ou texto // En: Materia // (Criterio de busca): Utopía
Obterás a lista dos fondos que hai na biblioteca marcados con este tema. Para diferenciar as que son películas das que son libros, preme en [Desglose por: Soportes, idiomas e seccións].
É conveniente que fagas a busca por Frase ou Texto para que aparezan resultados como "Sociedade e Utopía", que non aparecerían se fixeses a busca por "Lista alfabética" xa que esta busca só atopa os resultados que comezan polo "Criterio de busca".

Ir directamente ó resultado: Utopía

Anímaste a buscar as Distopías? Fíxate en que todas están rexistradas como "Utopía e Distopía", porque todas as distopías son formas da utopía. Por isto, se fas a busca por "Lista alfabética" non aparecerá ningunha, mentres que se a fas por "Frase ou texto" aparecerán todas as que hai na biblioteca

Ir directamente ó resultado: Distopía (Por Lista alfabética): Non aparecen resultados
Ir directamente ó resultado: Distopía (Por Frase ou texto): Varios resultados

LOGO DE PARTICIPAR NO CONCURSO DA REBORAINA DÚAS ALUMNAS DE 4º B DE ESO OBTEÑEN PREMIO

Dúas alumnas do noso instituto obteñen premio no concurso de narrativa DA REBORAINA, organizado polo colexio Santo Paio de Abaixo de Reboredo na súa 13ª edición.

Patricia Luis Figueroa obtivo o segundo premio na categoría de ESO (150 euros) e Aída Darriba Fernández o terceiro premio na mesma categoría, ambas as dúas de 4º B de ESO.

Os nosos parabéns ás escritoras e que a sorte as acompañe en vindeiros certames.

A continuación podes ler a noticia publicada en prensa (Faro de Vigo, 12-4-2011) do fallo do concurso.