FORMACIÓN USUARIOS 1º ESO

AS NOVAS TECNOLOXÍAS

Este é noso proxecto multidisciplinar para o curso 2019-20. En torno a este tema organizamos a formación de usuarios para o novo alumnado de 1º curso de ESO.

Cun pequeno xogo que puso a todo o mundo en funcionamiento: tiñan que topar autores de libros de ciencia ficción, sobre inteligencia artificial no Opac Meiga e despois de localizar os libros resolver una pequeno enigma procurando información no libro.

PROCURA DOS LIBROS

GRUPO 1

1. O LIBRO QUE TENDES QUE PROCURAR ESTÁ EN FILOSOFÍA. CHÁMASE GÉNESIS. PROCURADE O SEU AUTOR NO BUSCADOR.

PISTA

Suma as catro cifras do nacemento do autor e multiplica ese número por catro. Agora busca esa páxina: que personaxes aparecen mencionados?

Solución: Arte, Anaximandro, Adán e o Examinador.

GRUPO 2

O LIBRO CUXO AUTOR TENDES QUE PROCURAR TITÚLASE DUNE E TRÁTASE DUN CLÁSICO DA CIENCIA FICCIÓN. ATÓPASE NA SECCIÓN DE LITERATURA CASTELÁ.

PISTA:

Se les o ano de nacemento do autor “á inglesa” e sumas as dúas partes, obterás un número. Multiplícao por catro e súmalle 25. Nesa páxina aparecen dous personaxes, como se chaman?

Solución: Jessica e Paul (páxina 353)

GRUPO 3

O LIBRO QUE TENDES QUE PROCURAR CHÁMASE SOLARIS E TRÁTASE DUN CLÁSICO MODERNO DA CIENCIA FICCIÓN.

PISTA: O capítulo cuxo título ten que ver cuns seres imaxinarios aos que temen os nenos comeza co protagonista falando con alguén: quen é esa persoa?

Solución: Harey (páx. 159; Los Monstruos)

GRUPO 4

ESTE LIBRO INSPIROU A PELÍCULA BLADE RUNNER. PROCURADE NO BUSCADOR O TÍTULO E O AUTOR. SECCIÓN LITERATURA.

PISTA: ¿En que cidade está o protagonista ao comezo do capítulo que coincide coa última cifra do ano de nacemento do autor?

Solución: San Francisco (capítulo 8)

GRUPO 5

O TÍTULO DESTE LIBRO É PROXECTO CÓSMICO PROCURADE O SEU AUTOR, UN PROFESOR DA UNIVERSIDADE DE NEWCASTLE. O LIBRO ATÓPASE NA SECCIÓN DE FÍSICA E QUÍMICA.

PISTA: Ao comezo do capítulo co título máis curto de todo o libro, aparece o nome dun río e dun país. Cítaos.

Solución: Nilo, Exipto (capítulo 4: “Caos”)

GRUPO 6

LO INEVITABLE É O TÍTULO DO LIBRO CUXO AUTOR TENDES QUE PROCURAR.

ATÓPASE NA SECCIÓN DE TECNOLOXÍA.

PISTA: Busca o capítulo cuxo título ten que ver coa mellor maneira de conseguir respostas. Na segunda páxina do capítulo comezando polo final aparece o nome dun famosísimo físico. ¿De quen se trata?

Solución: Einstein

GRUPO 7

O LIBRO CUXO AUTOR TENDES QUE PROCURAR TITÚLASE ROBOTS E IMPERIO.É UN BEST SELLER DA CIENCIA FICCIÓN E O SEU AUTOR UN DOS MÁSI RECOÑECIDOS MUNDIALMENTE. ATÓPASE EN FILOSOFÍA.

PISTA: Que dúas partes do libro teñen como título un sinónimo de “alba” e canto capítulos teñen cada una?

Solución: Aurora 1ª e 4ª parte; catro capítulos

GRUPO 8

O LIBRO QUE TENDES QUE PROCURAR TITÚLASE 36. ESTÁ ESCRITO POR UNA AUTORA ESPAÑOLA. ATÓPASE NA SECCIÓN DE CÓMIC.

PISTA: Na páxina que se corresponde coas dúas últimas cifras do ano de nacemento da súa autora deberedes buscar o nome dun rapaz que se fixo amigo da protagonista.

Solución: Marcos.

GRUPO 9

O LIBRO CUXO AUTOR TENDES QUR PROCURAR ATÓPASE NA SECCIÓN DE TECNOLOXÍA E TITTÚLASE INTELIGENCIA ARTIFICIAL.

PISTA: Nome do matemático inglés que en 1950 escribiu sobre a cuestión de se un ordenador pode “pensar”. A clave para atopar a resposta tela no índice do libro.

Solución: Alan Turing

 

Noraboa as/os gañadorar/es!!!

Presentación da biblioteca para 1º de Bacharelato 19-20 - Documentación

Benvidas e benvidos ao novo curso no Floriani, especialmente todo o alumnado de 1º Bach. que vén doutros centros. Esperamos que vos atopedes moi a gusto aquí!
No traballo de hoxe colaboramos a Biblioteca Escolar e o Departamento de Filosofía, xunto cos seus blogs Bibliofloriani e A vella na cova. Neste post tedes os materiais para a presentación da biblioteca, na que aprenderemos a

• buscar "fondos" (libros, películas...) no buscador OpacMeiga,
• atopalos nos andeis e
• pedilos emprestados.

Ademais, aprenderemos a localizar os fondos máis útiles para a materia de filosofía.

CDU e distribución dos fondos nos andeis
A clasificación CDU está explicada nun post de 2014-15 ao que podedes acceder picando nesta imaxe:

Probade a atopar as seguintes seccións (se xa estabas o ano pasado neste centro busca tamén, porque algunhas cambiaron de sitio):

• Literatura xuvenil (etiqueta vermella) en galego (821.134.4) e castelán (821.134.2),
• Literatura xeral (mesmos números, etiqueta branca) en galego e castelán,
• Cine (791.43). Aquí están moitas das películas para a actividade de Cine-fórum;
• Literatura clásica (87), especialmente cultura clásica e novela (807:008),
• Historia (93),
• Cómic (82-C), Manga (82-C) e Cómic feminista (82-C:141.72)

Buscar e atopar fondos
Para buscar fondos da biblioteca utilizaremos a páxina de Bibliotecas Escolares de Galiza (Pica na imaxe para acceder):

Nela hai un buscador:

O máis recomendable é buscar por "Frase exacta" no "Título". Quere dicir unha secuencia exacta de palabras dentro do título, non necesariamente ao principio (así evítanse problemas como o dos artigos ao principio, que non se sabe se forman parte do título ou non):

Aparece unha ficha na que consta a sinatura do libro, que utilizaremos para buscalo nos andeis:

Despois só habería que facer o préstamo, dicíndolle á profesora ou profesor de garda o teu número de carné da biblioteca e o número de rexistro do fondo, que adoita estar nun lugar visible (nos libros, por exemplo, na primeira páxina), e anotar o préstamo no caderno que está ao lado do ordenador principal.
Probade agora, por grupos, a atopar estes fondos. Veredes que hai libros de filosofía en moitos lugares da biblioteca. Así aprenderedes a buscar os libros e películas do currículo de filosofía de 1º Bach.:

• R. Descartes: El tratado del hombre,
• I. Asimov: Eu, robot (na colección A Fundación),
• M. Crichton: Next,
• P.K. Dirk: Blade runner,
• M. Shelley: Frankenstein,
• F. Nietzsche: Así habló Zaratustra (Filosofía en cómic)
• M. Chalmers: Que es esa cosa llamada ciencia?,
• J.M. Auel: El clan del oso cavernario,
• Platón: República,
• El hombre bicentenario (Película),
• Gattaca (Película).

CONTOS, MITOS E LENDAS DA CONTORNA ANGLOSAXONA

Para rematar o primeiro trimestre en 1º Bach. fixemos un traballo nas materias de Inglés e Filosofía sobre a literatura de orixe popular das Illas Británicas, Dinamarca, a conca do Rhin, Canadá e Estados Unidos. O traballo encadrábase dentro do Proxecto de Biblioteca deste ano: Os contos.
Buscamos datos históricos e xeográficos sobre os relatos (zona da que proceden, época na que se escribiron…) e unha interpretación dos símbolos: que sentido teñen os animais, obxectos, forzas da natureza, etc. que aparecen no texto? Pero hai dous temas aos que lles demos especial importancia, a estrutura do relato e a imaxe da muller.
Sobre a estrutura estudamos os sete argumentos básicos que describe Thomas Booker: Vencer ao monstro, Da pobreza á riqueza, A busca, Viaxe e retorno, Comedia, Traxedia e Renacemento. Tomamos esta clasificación como punto de partida para ver a cal dos sete se axusta mellor cada relato.
En canto ao papel da muller, estudamos as características das personaxes femininas e, en particular, se o relato pasa o test de Bechdel, isto é: se hai polo menos dúas personaxes femininas relevantes e charlan entre si nalgún momento sobre algún tema que non é un varón.

Contos folclóricos das nacións nativas americanas
Adoitan tratar sobre temas relacionados cos ciclos da natureza: as estacións e as colleitas, a caza e a pesca… O protagonista é habitualmente un varón e frecuentemente ten que realizar unha viaxe, que ten o valor simbólico do cambio ou a adquisición da madureza. Hai elementos máxicos relacionados cos animais terrestres e as aves. Os argumentos máis característicos, na clasificación de Booker, son Da probreza á riqueza, A busca e Viaxe e retorno.
Frecuentemente as mulleres son un obxectivo a acadar, p.ex. no matrimonio, ou axudantes máxicas pero tamén perigosas: o mundo feminino sempre ten algún perigo para os guerreiros. Porén, en ocasións vemos a dúas mulleres falando das cousas que lles gustan ou interesan, polo que algúns destes relatos pasan o Test de Bechdel .

Lendas e contos das Illas Británicas.
Adoitan estar vinculadas a un punto xeográfico determinado, como unha montaña, unha praia, un mercado, etc. nos arredores dunha cidade. Aparecen seres máxicos como fadas, elfos, sereas, xigantes e outros (frecuentemente de xénero indiferenciado: palabras como fairy ou elf non son masculinas nin femininas en inglés, e hai fadas varóns e femias, igual que elfos ou sereas). A presenza da maxia é frecuentemente negativa xa que, ao final da historia, os efectos prexudiciais son máis poderosos cós benéficos.
Os personaxes son indistintamente masculinos ou femininos pero viven nun mundo no que rexen as normas heteropatriarcais: os lugares altos das xerarquías ocúpanas os varóns, a finalidade de vida e casar e establecer unha familia, etc. Aínda que hai personaxes femininos importantes, rara vez falan entre si e ocúpanse de temas que sempre teñen que ver cun varón polo que non adoitan pasar o test de Bechdel.
As estruturas de Booker máis habituais son Da pobreza á riqueza, Viaxe e retorno, Traxedia e Renacemento. Frecuentemente recoñécense estereotipos da tradición indoeuropea como Cincenta, Jack o das fabas máxicas, etc.

Beowulf, o Cantar do Nibelungo e o Ciclo Artúrico.
Tamén analizamos estes poemas épicos, o primeiro nunha versión abreviada e os outros a través de resumos das óperas de Wagner O anel do Nibelungo e Parsifal.
Beowulf ten a estrutura básica de Vencer ao monstro e as óperas de Wagner as de A busca e Viaxe e retorno.
Entre as mulleres destacan a nai de Grendel, tan monstrosa e terrorífica coma o seu fillo (pero ela nin sequera chega a ter nome) e Kundry, un complexísimo personaxe de Parsifal, que xunta en si todas as características do personaxe salvaxe ao principio da obra, a muller sensual no desenvolvemento e a pecadora arrepentida ao final: Unha colección completa de prexuízos e estereotipos sobre a muller nun mundo de deuses, heroes e cabaleiros.
(Pica nas imaxes para ampliar)

HISTORIAS INSPIRADORAS

EXPERIENCIAS DE VIDA QUE NOS CAMBIAN...

As historias inspiradoras foi unha nova aposta da biblioteca por dar voz a mulleres cercanas a nós que viviron circumstancias adversas e souberon superalas. As ensinanzas que  nos aportaron a súa presencia e as súas charlas foron dunha gran emotividade e aprendizaxe de vida.

1ª CHARLA : MARTHA KATERINA IGLESIAS

Katerina foi alumna do noso centro fai 16 anos pero a enfermidade truncou a súa aposta de vida. Cunha gran entereza emocional, valentía e sabiduría, fruto das circumstancias vividas, compartiu a súa experiencia animándonos a todos a agradecer cada minuto da nosa vida. Podedes acceder a súa historia premendo aquí

2ª CHARLA:A POETISA LUCÍA NOVAS. Con varios premios a nivel rexional a poetisa e profesora de Lingua Castelán Lucía Novas compartiu con nós os seus inicios como escritora de poesía. Reivindicou a poesía erótica e o dereito das mulleres a falar da súa sexualidade. Deleitounos coa lectura dalgúns dos seus poemas. E animou as nosas futuras escritoras a perseverar no seu soño de chegar a escribir.

3ª CHARLA INSPIRADORA: IRENE MOREIRA . DIRECTORA ESCÉNICA. Irene chegou ao noso centro nun día complicado: acabábamos de recibir a terrible noticia do accidente de tráfico que sesgaba a vida de dúas alumnas e un alumno do IES Mendiño .Amigo e amigas de moitos de nosos alumnos e alumnas. Irene soubo gañarse a atención e conseguiu consola aos rapaces e rapazas afcetados. Comenzou falando da importancia do fracasao e como no seu caso os fracasos conducironna ata a súa verdadeira vocación: a dirección escénica.

Informou sobre os estudos de artes escénicas e fixo unha loubanza a todas as grandes directoras escénicas galegas que están a acadar premios a nivel nacional e internacional:

Marta Pazos, Genna Baamonde, Avelina Pérez, Ana Vallés; como dramaturga destacou a Esther Carrodeguas.

RECOMENDACIÓNS LECTORAS

As nosas recomendacións lectoras para o verán.

fai click aquí

EXPEDICIÓN Á ANTÁRTIDA.

 A nosa profesora de Bioloxía Cristina participou no ano 2002-3 na campaña BREDDIES , unha expedición ciéntifica a Antártida.
Falounos da viaxe, das temperaturas extremas e das investigacións que se estaban a realizar daquela: estudio de acoplamiento larvario con remolinos.
Grazas por compartir co alumnado de 2º ESO a túa experiencia.

ARQUEÓLOGOS BAIXO AS ESTRELAS

CONTANDO AS HISTORIAS DAS ESTRELAS

O alumnado da materia optativa de Arqueoloxía das palabras construiu un "Observatorium stellarum"
como lugar de encontro para contar os mitos que se agochan detras das constelacións. Baixo un xeo estrelado fomos escoitando as historias de Casiopea, Andrómeda, Pegasus, Orión, Cetus...

Ademáis expuxeron os seus traballos de todas as constelacións.

Podedes ver a presentación aquí 

debate sobre consumo consciente

FORMANDO CONSUMIDORES CONSCIENTES

Como ven sendo habitual, o compromiso da nosa biblioteca coa formación de consumidores conscientes segue firme.

Este ano quixemos facer un debate sobre certas cuestións que preocupaban as/ aos mozas/os de 1º de BAC:

DEBATE CONSUMO CONSCIENTE

1. Que diferencia hai entre os produtos locais e os que veñen de fora?

2. É posible facer unha compra sostible indo a un supermercado convencional?

3.  Por que se utilizan tantos plásticos? Que alternativas hai?

4. Como facer unha compra sostible?

5. Por que non hai granel nos supermercados?

6. Se aos alimentos se lles engade sustitutos de sustancias " naturais" como o azúcre son peores para a nosa saúde?

7. Hai algunha compañía de tecnoloxía que especifique de onde proveñen os seus compoñentes?

8. Quen é o responsable de que non se pague ben aos traballadores/as?

9. Cómo podemos saber si os traballadores do téxtil son explotados ou non?

10. Pagamos nu prezo xusto por todo o que compramos?

11. Hai algunha medida contra a obsolescencia programada?

12. A onde van a parar todos os plásticos dos empaquetados dos nosos alimentos?

CAMBIA O CONTO

 Que contan os contos que nos contan?

Pedimos aos grupos  de 1º ESO que trouxeran contos intantís que lles contaban de pequenos: Cincenta, Brancaneves, Carrapuchiña Vermella... e analizamos os roles de xénero presentes en cada un deles. 

Estes foron algunhas das observacións sobre os personaxes do alumnado: 

 Os personaxes femininos desenvolven, principalmente, dous roles, como vemos a continuación:

- Por unha banda, temos as protagonistas, que son en xeral personaxes boas, sumisas, inxenuas...

            Cincenta: boa, guapa, sumisa, traballadora.

            Brancaneves: boa, guapa, inxenua.

            Carrapuchiña Vermella: inxenua, indefensa.

            Aurora (Bela Durminte): delicada, dulce, educada, coidadosa, fermosa, indefensa.

            Ratiña presumida: inxenua, fermosa, sumisa, indefensa.

- Por outra banda, temos as antagonistas, que son malvadas, caprichosas, feas...

            Madrastras de Cincenta e Brancaneves: incomprensivas, intransixentes, maltratadoras, malvadas.

            Hermanastras: feas, perversas, consentidas e caprichosas.

   

En canto aos personaxes masculinos, polo xeral encarnan un papel salvador, son os rescatadores das indefensas protagonistas que, grazas a eles, se salvan. Son guapos, galantes, educados, valentes e protectores, e casan coa protagonista, o cal non deixa de ser tamén un xeito de salvala. 

BOLETIN DE CONTOS

BOLETIN DE CONTOS

Unha selección dos nosos fondos bibliográficos con contos.

MICROMACHISMOS

MICROMACHISMOS

"Así non se comporta unha señorita.."

Son comentarios que están interioridades e se repiten sen que sexamos conscientes deles.

Falamos cun grupo de 2º ESO sobre.....MICROMACHISMOS. Utilizamos como introducción ao tema este artículo en El Pais

As rapazas comentaron que se querían xogar ao fútbol cando estaban en primaria os rapaces non lles deixaban ou se lles deixaban non lles pasaban á pelota porque dicían que xogaban mal. Hoxe una desas nenas, Sofía, é capitana dun equipo de fútbol.
A Iría e Yoel non lles gusta nada escoitar comentarios tipo: e "Cando botas mozo?" e se teñen mozo " "..e para cando vos casades?"  " Tes que vestir como unha señorita"
A Chaima que lle encantan os videoxogos confiesa que ten que facerse pasar por rapaz para poder xogar. Cuando entra nunha tenda de videoxogos todos son rapaces e síntiese observada.
Os menos tamén recoñecen micromachismos: os seus pais non van de compras con eles son as nais.

NEUROCIENCIA

CARLOS SPUCH neurobiólogo da Universidade de Vigo viunos dar unha  interesantísima charla sobre neurociencia.

Falounos do cerebro humano, do sistema nervioso periférico, das neuronas periféricas (todas xuntas pueden dar diez veces la vuelta a la tierra). hemos una 8.000 millón de neuronas.

Da xenética: só seis genes relacionados co desenvolvemento da corteza cerebral están ligados á esquizofrenia e o autismo. O que agora se consideran trastornos noutras circunstancias sociais non o eran. E de como as emocións son fundamentais para tratar enfermedades mentais.


De cómo o cerebro é un órgano social e de cuando estamos con gente coa que sintonizamos os nodos se cerebros se sincronizan e comenzar a vibrar a misma frecuencia..