PRESENTACIÓN DE COMICS: MEMORIAS DE IDHUN

Cómics e Mundos Fantásticos: Memorias de Idhún, de Laura Gallego
Por: Andrés Ferreiro, 1º Bacharelato de Ciencias e Tecnoloxía

Lin os libros porque me gustaban, aínda que non me identifico cos personaxes

Esta foi a presentación máis polémica ata o momento: Que se pode dicir sobre un libro? Ata que punto contar ou só suxerir, cando a trama é emocionante e chea de sorpresas, de detalles que hai que ir adiviñando? Como podes presentar un libro que xa todo o mundo leu? Andrés atopou o seu camiño a través desta senda chea de perigos e falounos dunha colección de culto, Memorias de Idhún, e doutras obras de Laura Gallego como La hija de la noche, El coleccionista de relojes extraordinarios ou a colección Crónicas de la torre.

APRENDE A USAR O BUSCADOR MEIGA

Quero atopar todos os libros de Laura Gallego que hai na biblioteca
...Buscar por: Frase ou texto // En: Autor // (Criterio de busca): Gallego García, Laura
Aparecen as fichas dos libros. Se escribes só “Gallego” aparecen máis obras doutras/os autoras/es que tamén teñen o apelido “Gallego”
Ir directamente ó resultado: Obras de Laura Gallego

Quero atopar só os libros de Memorias de Idhún
...Buscar por: Frase ou texto // En: Serie // (Criterio de busca): Idhún
Aparece as fichas dos libros. Anímaste a buscar ti os da colección Crónicas de la torre?
Ir directamente ó resultado: Colección Memorias de Idhún

PRESENTACIÓN DE COMICS: MAUS

Cómics e Mundos Fantásticos: Maus, de Art Spiegelman
Por: Irene Villar, 1º Bacharelato Humanístico

Vese todo o sufrimento de aquela xente

Irene recoméndanos un dos seus favoritos: Maus, de Art Spiegelman. É un cómic no que se relata graficamente a vida do pai do autor, prisoneiro nun campo de concentración nazi.
É unha boa maneira de coñecer todos eses sucesos históricos que custa tanto aprender memoristicamente e que aquí se ven debuxados. Os xudeus represéntanse por ratóns, os nazis por gatos, os polacos por porcos…
Di Irene: “O protagonista, está sempre aproveitando cousas usadas, nótase como tivo que facelo para sobrevivir. Ata levou artigos xa abertos a unha tenda para devolvelos!
Tamén é racista, xa que considera que todos os “negros” (schvertzer) son sucios e ladróns”.
Esta obra tamén nos abre a novas lecturas, como “Palestina: na franxa de Gaza”, cómic de Joe Sacco, que se pode pedir prestado tamén na biblioteca.

APRENDE A USAR O BUSCADOR MEIGA

Quero atopar todos os cómics ou libros sobre cómics da biblioteca
...Buscar por: Frase ou texto // En: Materia // (Criterio de busca): COMIC
Aparecen as fichas dos libros. Non todos eles son cómics: algúns son estudos sobre o cómic, ou simplemente literatura xuvenil ilustrada. Verás que hai banda deseñada en moitas seccións (Historia, Filosofía, Linguas clásicas)
Ir directamente ó resultado: CÓMICS

PRESENTACIÓN DE COMICS: MARÍA Y YO

Cómics e Mundos Fantásticos: María y yo, de María Gallardo e Miguel Gallardo
Por: Sheyla Fernández, 1º Bacharelato Humanístico

María ten unha afectividade moi grande pero exprésaa doutra maneira

María é unha rapaza única, coma calquera persoa. É autista, e este libro conta unha viaxe que fai co seu pai a Canarias.
Explícanos Sheyla: “Séntese máis segura cando pode realizar as súas rutinas, que seu pai lle lembra mediante pictogramas, e disfruta repasando as fotos de persoas que lembra con detalle despois de moitos anos. O cómic non é o típico cómic que poderías esperar, con debuxos en viñetas, senón que todo nel reproduce o xeito en que María ve o mundo e a vida.”
Abrindo o tema a outros aspectos clínicos, presentou tamén “Arrugas”, un libro de Paco Roca sobre o Alzheimer. Cun deseño moi distinto, cheo de cor, humor e detalles, o autor fainos sentir a perda cando vemos que ata os propios trazos da cara dos persoaxes se van esvaendo e o libro nos deixa no branco da fumeira dun tren que desaparece nunha curva, entre as montañas.

APRENDE A USAR O BUSCADOR MEIGA

Quero atopar todos os cómics de tema ético que hai na biblioteca
...Buscar por: Frase ou texto // En: Materia // (Criterio de busca): COMIC ETICA
Aparecen as fichas dos libros. Outra busca interesante é a de todos os cómics de tema histórico.
Ir directamente ó resultado: Cómics de tema ético
Ir directamente ó resultado: Cómics de tema histórico

PONTEVEDRA: SALÓN DO LIBRO E ROTA CASTELAO

Salón do Libro
Fai uns días, os alumnos de 1º e 2º da ESO e os do Club de Lectura fomos de excursión a Pontevedra, ao Salón do Libro e á Rota Castelao.

Rota Castelao
Fomos visitar Pontevedra para facer a “Rota Castelao” e paseamos pola praza de Méndez Núñez, a da Ferraría, o Café Moderno, a das Verduras … axudados polo guía que nos informou das moitas actividades que se facían antigamente alí.
Para ver máis pincha nunha foto

Pontevedra: Salón do libro e Rota Castelao

Salón do Libro

Fai uns días, os alumnos de 1º e 2º da ESO e os do Club de Lectura fomos de excursión a Pontevedra, ao Salón do Libro e á Rota Castelao.
Unha vez que chegamos alí, esperamos un pouco para entrar xa que había rapaces doutros colexios. Xa dentro, vemos varias salas, creadas por distintos rapaces da carreira de Belas Artes, que recreaban diversos escenarios ambientados na cidade.
Logo, ao saír das salas, leváronnos a ver unha exposición de libros e manualidades feitos por alumnos de distintos colexios. Eran libros moi elaborados para ser creados por rapaces, e había unha gran variedade para observar.
De alí a un pouco, ensináronnos un carriño feito dunha bicicleta no que un home se montaba e ía pola rúa deixando libros a todo o mundo que quería.
Por último, tivemos a oportunidade de ver dous camións de bombeiros e observar todos os artiluxios que os compuñan.
Logo, fomos a facer unha rota sobre Castelao e volvemos para o colexio.

Rota Castelao

Fomos visitar Pontevedra para facer a “Rota Castelao” e paseamos pola praza de Méndez Núñez, a da Ferraría, o Café Moderno, a das Verduras … axudados polo guía que nos informou das moitas actividades que se facían antigamente alí.
Paramos a merendar na praza da Ferraría. Aínda que é ben fermosa, unha das prazas máis importantes e que máis nos gustou foi a das Verduras na que antigamente se vendía este produto. Tamén nos impresionou o Teatro Principal, que antigamente era unha igrexa e por iso está rodeado de cipreses, os cales representan o antigo cemiterio.

Labirintos e adiviñas lóxicas

En Labirintos e adiviñas lóxicas utilizamos textos de Jorge Luis Borges (O Aleph), Malba Tahan (O home que calculaba) e Raymond Smullyan (Como se chama este libro?).

Foron catro pequenas actividades nas que solucionamos adiviñas (do libro de Smullyan), lemos un pequeno relato (de Borges) e falamos de distintos labirintos: os petroglifos celtas, o xogo da oca como metáfora do labirinto da vida e o deserto (como no texto de Borges), onde aprendimos as tres formas de repartir o pan (do libro de Tahan).

Encontro co escritor Francisco Castro

O 26 de febreiro @s alumn@s de 1º e 2º da ESO tiveron un encontro co escritor vigués Francisco Castro. O autor falounos do seu libro Chamádeme Simbad (lectura da segunda avaliación), respondeu ás nosas dúbidas e asinounos os nosos libros.

O mundo dos animais

A actividade consistiu na lectura dun fragmento do libro O mundo dos animais de Desmond Morris. Cada clubeir@ escolleu ao chou un animal para ler individualmente os seus costumes e características máis relevantes. Logo cada alumn@ representou con xestos e mímica as principias características do animal que lle tocara; e @s compañeir@s trataban de adiviñar cal era.